Azərbaycanın elm və təhsil naziri Emin Əmrullayev Türkiyəyə səfəri çərçivəsində bu ölkənin milli təhsil naziri Yusuf Tekinlə görüşüb. Bu barədə Azərbaycan Elm və Təhsil Nazirliyi məlumat yayıb.
Ankarada keçirilən görüşdə iki ölkə arasında ümumi və peşə təhsili sahəsində əməkdaşlığın inkişaf perspektivləri ətrafında fikir mübadiləsi aparılıb.
Müzakirələr zamanı pedaqoji kadrların hazırlanması, təhsil sahəsində təcrübə mübadiləsinin genişləndirilməsi, eləcə də peşə təhsili proqramlarının Azərbaycanın tələblərinə uyğunlaşdırılması məsələləri əsas diqqət mərkəzində olub.
Nazir Emin Əmrullayev bildirib ki, Türkiyənin Milli Təhsil Nazirliyi ilə aparılan danışıqlarda müəllim hazırlığı, tədris proqramlarının uyğunlaşdırılması və peşə təhsili sistemində qarşılıqlı əməkdaşlıq imkanları ətraflı müzakirə edilib.

Urbaninfo.az