115 nömrəli məktəblə bağlı ciddi iddialar: Məktəbdə qızıl alveri və müəllimlər arasında 50 min manatlıq qalmaqal
Bakının Binəqədi rayonunda yerləşən Azər Məmmədov adına 115 nömrəli tam orta məktəblə bağlı ciddi iddialar gündəmə gəlib. Sosial şəbəkələrdə və bəzi media resurslarında yayılan məlumatlarda məktəbdə tədris prosesindən kənar fəaliyyətlərin, o cümlədən qızıl-zinət əşyalarının alqı-satqısının həyata keçirildiyi iddia olunur.
Yayılan məlumatlara görə, məktəbdə qızıl alverinin təşkilatçısı kimi müəllim Təranə Hüseynovanın adı hallandırılır. İddialarda bildirilir ki, qızıl-zinət əşyalarının əsas alıcıları da məktəbin müəllim kollektivinin üzvləridir.
Məlumatlarda qeyd olunur ki, məktəbin informatika müəllimi Sevinc adlı müəllim Təranə Hüseynovadan təxminən 50 min manat dəyərində qızıl-zinət əşyaları əldə edib, lakin həmin məbləği geri ödəməyib. İddiaya əsasən, bu məsələ iki müəllim arasında ciddi münaqişəyə səbəb olub.
Bildirilir ki, borcun ödənilməməsindən sonra Təranə Hüseynova hüquq-mühafizə orqanlarına müraciət edib. Eyni zamanda, yayılan məlumatlarda onun istintaq prosesinə təsir göstərmək məqsədilə qanunsuz ödəniş təklif etdiyi də iddia edilir. Lakin bu iddiaların rəsmi təsdiqi yoxdur.
Digər iddiaya görə, Sevinc adlı müəllim barəsində təxminən yeddi ay əvvəl Cinayət Məcəlləsinin 178-ci (dələduzluq) maddəsi ilə cinayət işi çərçivəsində ev dustaqlığı qətimkan tədbiri seçilib və elektron nəzarət vasitəsi tətbiq olunub. Həmçinin iddia edilir ki, aidiyyəti qurumlar məhkəmə qərarının icrasına lazımi qaydada nəzarət etməyiblər. Bu məlumat da rəsmi qurumlar tərəfindən təsdiqlənməyib.
Hazırda məktəbdə müəllimlər arasında yaranmış qarşıdurmanın hüquqi müstəvidə davam etdiyi bildirilir.
Qeyd edək ki, yazıda yer alan bütün məlumatlar müxtəlif mənbələrdə yayılan iddialara əsaslanır. Məsələ ilə bağlı Məktəbəqədər və Ümumi Təhsil üzrə Dövlət Agentliyi, Elm və Təhsil Nazirliyi, Bakı Şəhəri üzrə Təhsil İdarəsi, eləcə də adı çəkilən şəxslərin mövqeyi hələlik açıqlanmayıb. Rəsmi qurumların münasibəti təqdim olunacağı təqdirdə məqalə yenilənəcək.
Yayılan məlumatlara görə, məktəbdə qızıl alverinin təşkilatçısı kimi müəllim Təranə Hüseynovanın adı hallandırılır. İddialarda bildirilir ki, qızıl-zinət əşyalarının əsas alıcıları da məktəbin müəllim kollektivinin üzvləridir.
Məlumatlarda qeyd olunur ki, məktəbin informatika müəllimi Sevinc adlı müəllim Təranə Hüseynovadan təxminən 50 min manat dəyərində qızıl-zinət əşyaları əldə edib, lakin həmin məbləği geri ödəməyib. İddiaya əsasən, bu məsələ iki müəllim arasında ciddi münaqişəyə səbəb olub.
Bildirilir ki, borcun ödənilməməsindən sonra Təranə Hüseynova hüquq-mühafizə orqanlarına müraciət edib. Eyni zamanda, yayılan məlumatlarda onun istintaq prosesinə təsir göstərmək məqsədilə qanunsuz ödəniş təklif etdiyi də iddia edilir. Lakin bu iddiaların rəsmi təsdiqi yoxdur.
Digər iddiaya görə, Sevinc adlı müəllim barəsində təxminən yeddi ay əvvəl Cinayət Məcəlləsinin 178-ci (dələduzluq) maddəsi ilə cinayət işi çərçivəsində ev dustaqlığı qətimkan tədbiri seçilib və elektron nəzarət vasitəsi tətbiq olunub. Həmçinin iddia edilir ki, aidiyyəti qurumlar məhkəmə qərarının icrasına lazımi qaydada nəzarət etməyiblər. Bu məlumat da rəsmi qurumlar tərəfindən təsdiqlənməyib.
Hazırda məktəbdə müəllimlər arasında yaranmış qarşıdurmanın hüquqi müstəvidə davam etdiyi bildirilir.
Qeyd edək ki, yazıda yer alan bütün məlumatlar müxtəlif mənbələrdə yayılan iddialara əsaslanır. Məsələ ilə bağlı Məktəbəqədər və Ümumi Təhsil üzrə Dövlət Agentliyi, Elm və Təhsil Nazirliyi, Bakı Şəhəri üzrə Təhsil İdarəsi, eləcə də adı çəkilən şəxslərin mövqeyi hələlik açıqlanmayıb. Rəsmi qurumların münasibəti təqdim olunacağı təqdirdə məqalə yenilənəcək.
