Avropa Parlamentinin bəzi deputatları İranın dünya xəritəsində yerini düzgün göstərə bilməyib. Bu barədə Fransanın Le Parisien qəzeti məlumat yayıb.
Bildirilir ki, parlamentarilərin səhv cavablarını əks etdirən video martın əvvəlində çəkilsə də, ictimaiyyət bu görüntülərə yalnız ötən həftəsonu diqqət yetirib. Videoda bir neçə deputatın İrani xəritədə tapmaqda çətinlik çəkdiyi görünür.
Qeyd edək ki, fevralın 28-də ABŞ və İsrail İran ərazisinə qarşı hərbi əməliyyata başlayıb. Zərbələr zamanı İranın bir sıra şəhərləri, o cümlədən paytaxt Tehran hədəfə alınıb. Məlumatlara görə, hücumlardan biri ölkənin ali lideri Əli Xameneinin iqamətgahına endirilib.
Buna cavab olaraq İran İsrail ərazisinə, həmçinin Yaxın Şərqdə yerləşən ABŞ hərbi bazalarına və Vaşinqtonun müttəfiqlərinə qarşı raket və pilotsuz uçuş aparatları ilə zərbələr endirib. 
azadliq.org