Avropa İttifaqının sabiq diplomatiya rəhbəri Josep Borrel bildirib ki, ABŞ artıq Aİ-nin əsas müttəfiqi deyil. Onun sözlərinə görə, Avropa öz təhlükəsizliyini təmin etmək üçün müstəqil addımlar atmalıdır.
"ABŞ artıq Aİ-nin əsas müttəfiqi deyil. Biz reallığın yeni bir mərhələsini yaşayırıq və bu, bizə aydın şəkildə göstərir ki, öz müdafiəmizi öz resurslarımızla təmin etməliyik", – Borrel vurğulayıb.
Ekspertlərin fikrincə, Borrelin bu bəyanatı həm Vaşinqtonun yeni milli təhlükəsizlik strategiyası ilə bağlıdır, həm də Avropanın gələcəkdə hərbi və strateji müstəqilliyə doğru yönələcəyinin göstəricisidir. ABŞ strategiyasında Aİ-dən öz müdafiəsini təmin etməsini tələb edir ki, bu da transatlantik əlaqələrdə yeni dövrün başladığını göstərir.
Analitik şərhlər göstərir ki, Avropa ölkələri bundan sonra həm NATO çərçivəsində, həm də milli səviyyədə öz müdafiə imkanlarını gücləndirməli olacaq. Bu proses həm regional təhlükəsizlik balansını dəyişə, həm də Avropanın qlobal siyasətdə rolunu daha müstəqil edə bilər