Zelenski Lukaşenkonun Xüsusi Hərbi Əməliyyata görə "üzr istədiyini" və bunun şahidləri olduğunu bildirdi
Zelenski: Lukaşenkonun üzr istədiyi telefon danışığının şahidləri va.
Ukrayna Prezidenti Volodimir Zelenskinin 2022-ci ildə Belarus lideri Aleksandr Lukaşenko ilə apardığı telefon danışığının guya şahidləri olub. Bu barədə Zelenski özü Belarusun "Zerkalo" nəşrinə (Belarusda ekstremist hesab olunur və qadağan edilib) müsahibəsində bildirib.
Zelenski iddia edir ki, Lukaşenko bu söhbət zamanı guya üzr istəyib və Ukrayna tərəfindən mümkün cavab addımlarından qorxaraq, Qomel vilayətindəki Mozır neft emalı zavoduna "cavab zərbəsi endirməyi" təklif edib
"O, üzr istəyirdi və bizim zərbə endirəcəyimizdən çox qorxurdu. Özü də dedi: 'Yaxşı, gəlin, zavoda cavab zərbəsi endirin'", — deyə Zelenski məlumat verib.
Zelenski bu söhbətin detallarını ilk dəfə keçən ilin yanvarında Leks Fridmanla olan podkastında açıqlamışdı. Ukrayna liderinin sözlərinə görə, 2022-ci ilin fevralında telefon danışığı zamanı Lukaşenko guya Rusiyanın Ukraynadakı xüsusi hərbi əməliyyatı ilə heç bir əlaqəsi olmadığını iddia edib və baş verənlərə görə üzr istəyib. Daha sonra Belarus Prezidentinin mətbuat katibi Natalya Eysmont Zelenskinin Lukaşenkonun 2022-ci ilin ilk günlərində ondan üzr istəməsi barədə bəyanatını təkzib edib. Eysmont vurğulayıb ki, Belarus Prezidenti Zelenskidən heç bir üzr istəməyib — "sadəcə ona görə ki, üzr istəməyə səbəb yoxdur"
Sosial şəbəkələrdə paylaş
