Qərb Trampın İrana qarşı hərbi əməliyyata başlaya biləcəyini bildirib

ABŞ prezidenti Donald Tramp İrana qarşı hərbi əməliyyata başlaya bilər. Bu barədə Reuters mənbələrə istinadən məlumat verir.
Onlar agentliyə bildiriblər ki, hazırda Ağ Ev rəhbəri ziddiyyətlərin diplomatik həlli perspektivlərinin pisləşməsi səbəbindən belə bir qərara meyllidir.
Bundan bir müddət əvvəl məlum oldu ki, ABŞ və İran arasında cümə günü planlaşdırılan danışıqlar Vaşinqtonun görüşü Türkiyədən Omana keçirmək istəməməsi səbəbindən baş tutmaya bilər. Axios portalının izah etdiyi kimi, Amerika tərəfi Tehranın tədbirin yerini dəyişdirmək tələbini nəzərdən keçirib və onu rədd etmək qərarına gəlib.
Həmçinin, 4 fevralda ABŞ Hərbi Hava Qüvvələri Mərkəzi Komandanlığının (CENTCOM) rəsmi nümayəndəsi kapitan Tim Hokins bildirib ki, ABŞ Hərbi Hava Qüvvələrinin F-35C qırıcısı İranın "Shaheed-139" pilotsuz təyyarəsini "USS Abraham Linkoln" təyyarədaşıyan gəmisinə aqressiv yaxınlaşdıqdan sonra vurub.
Sosial şəbəkələrdə paylaş