Söhbət Qarabağ və Rusiya ilə münasibətlərə dair məlumatlardan gedir

Ermənistan Xarici İşlər Nazirliyinin rəsmi internet səhifəsində “Xarici siyasət” bölməsinin məzmunu silinib.

Bu barədə erməni politoloq Eduard Abramyan bildirib.

Abramyan qeyd edib ki, sözügedən bölmədəki materiallardan əvvəllər öz kitab və “akademik tədqiqat”larında istifadə edib. Onun sözlərinə görə, həmin məlumatlar arxivləşdirilmədən saytdan çıxarılıb.

Politoloq bildirib ki, silinmiş materiallar Ermənistanın müasir siyasi tarixində xarici siyasətin əsas istiqamətlərini əks etdirib.

Onun sözlərinə görə, bölmədə Qarabağ məsələsi ilə bağlı Ermənistanın mövqeyi, Rusiya ilə “xüsusi strateji tərəfdaşlıq və müttəfiqlik münasibətləri”, eləcə də ABŞ və Avropa İttifaqı ilə əlaqələrə dair məlumatlar olub.