Tahir Budaqov hesabat konfranslarının nəticələrini açıqlayıb

Yeni Azərbaycan Partiyasının (YAP) VIII qurultayında partiyanın VII qurultayından ötən dövrdə görülən işlər və qarşıda duran vəzifələr müzakirə olunub.

YAP Sədrinin müavini – Mərkəzi Aparatın rəhbəri Tahir Budaqov qurultayda çıxışı zamanı bildirib ki, 2026-cı il sentyabrın 7-dən 19-dək partiyanın 84 yerli təşkilatı tərəfindən hesabat konfransları keçirilib.

Onun sözlərinə görə, konfranslarda ümumilikdə 16 239 nəfər iştirak edib, VII qurultaydan sonra qarşıya qoyulan vəzifələrin icrası ilə bağlı görülən işlər barədə məruzələr dinlənilib və nəticələr geniş müzakirə olunub.

Tahir Budaqov qeyd edib ki, hesabat konfranslarında Azərbaycan Prezidenti, YAP Sədri İlham Əliyevin həyata keçirdiyi siyasət yekdilliklə dəstəklənib. Dövlət başçısının Azərbaycanın əldə etdiyi nailiyyətlərdə, müstəqilliyin qorunmasında, ərazi bütövlüyü və suverenliyin təmin edilməsində fəaliyyəti xüsusi vurğulanıb.

“Hesabat konfranslarının yekunlarına əsasən rayon və şəhər təşkilatları tərəfindən VIII qurultaya 960 nəfər nümayəndə seçilib”, – deyə o bildirib.

Tahir Budaqov qurultayın gündəliyini elan edib. Gündəliyə səsvermə yolu ilə yekdilliklə təsdiq olunub.

Daha sonra o, VII qurultaydan ötən dövr üzrə YAP İdarə Heyətinin hesabatını təqdim edib.