NATO-nun Baş katibi Mark Rütte bildirib ki, Ukraynaya verilən uzaqmənzilli silahların istifadəsindəki məhdudiyyətlərin qaldırılması barədə Alyans ölkələrinin liderləri ilə arxa planda danışıqlar aparır. Bu barədə o, Avropa Parlamentinin Xarici İşlər Komitəsinin deputatları ilə görüşdə danışıb.
“Əsas mesajım belədir: əgər siz öz sistemlərinizi verirsinizsə, Ukraynanın onları həqiqətən istifadə edə bilməsi üçün heç bir məhdudiyyət qoymayın. Amma verilən silahların detalları barədə mən şərh verə bilmirəm, sadəcə arxa planda işləyirəm,” – Rütte deyib.
13 yanvarda Baş katib bildirmişdi ki, Avropadakı Ukrayna üçün silah ehtiyatları tükənib, lakin bəzi ehtiyatlar hələ ABŞ-da mövcuddur. Onun sözlərinə görə, üç-dörd il davam edən müharibə Avropadakı böyük hissəsini məhv edib və ya tükədib, buna görə də ABŞ-dakı ehtiyatlara daha çox istinad etmək lazımdır.
Dekabrın sonunda Almaniya Bundestaqının vitse-spikeri və sabiq “Yaşıllar” partiyasının lideri Omid Nuripur qeyd etmişdi ki, Almaniya kansleri Fridrix Merts Ukraynaya Taurus raketlərini təhvil verməli və bu, ölkənin əvvəlki rəhbərinin tələb etdiyi addım idi.