Prezident və birinci xanım sərgilərdə nümayiş etdirilən müasir müdafiə və təhlükəsizlik texnologiyaları ilə tanış olublar.

Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 30-da Bakı Ekspo Mərkəzində keçirilən “ADEX 2026” 6-cı Azərbaycan Beynəlxalq Müdafiə Sərgisi və “Securex Caspian” 15-ci Beynəlxalq Daxili Təhlükəsizlik, Mühafizə və Xilasetmə Avadanlıqları Sərgisinə baş çəkiblər.

İlham Əliyev və Mehriban Əliyeva sərgilərdə təqdim olunan məhsul və avadanlıqlarla tanış olublar.

Qeyd edək ki, “ADEX” sərgisi müdafiə sənayesi və hərbi-texniki əməkdaşlıq sahəsində mühüm beynəlxalq tədbirlərdən biridir. “Securex Caspian” sərgisində isə daxili təhlükəsizlik, mühafizə və xilasetmə sahələrində tətbiq olunan müasir texnologiyalar və avadanlıqlar nümayiş etdirilir.