Siyavuş Novruzov: 27 ildir bələdiyyələrin xəritələri yoxdur
Deputat Nazirlər Kabinetinə müraciətlərin nəticəsiz qaldığını bildirib
Milli Məclisin deputatı Siyavuş Novruzov bələdiyyələrin ərazilərinin xəritələrinin hazırlanması məsələsinə toxunub.
O, parlamentin payız sessiyasının ilk iclasında çıxışı zamanı bildirib ki, bələdiyyələrin mülkiyyət xəritələri 27 il ərzində təqdim edilməyib.
“Dağ-mədən və sənaye sahələrinin istismarı nəzərdə tutulub. Bu ərazilərin bir hissəsi bələdiyyələrin ərazilərinə düşür. Bu məsələ ilə bağlı Nazirlər Kabineti qarşısında dəfələrlə məsələ qaldırmışıq. Lakin 27 ildir bələdiyyələrin mülkiyyət xəritələri təqdim olunmayıb”, - deyə deputat vurğulayıb.
Sosial şəbəkələrdə paylaş
