Azərbaycan xalqı dünya mədəniyyətinə çoxsaylı dahi şəxsiyyətlər, şairlər və mütəfəkkirlər bəxş edib.

AZƏRTAC xəbər verir ki, bunu Prezident İlham Əliyev Bakıda beynəlxalq konfransların iştirakçıları ilə görüşü zamanı bildirib.

Dövlət başçısı Azərbaycanın zəngin tarixi-mədəni irsini qeyd edərək müxtəlif dövrlərdə yaşamış görkəmli şəxsiyyətlərin adlarını diqqətə çatdırıb.

Prezident XII əsrdə Nizami Gəncəvi və Xaqani Şirvani, XIV əsrdə İmadəddin Nəsimi, XV əsrdə Yəhya Bakuvi, XVI əsrdə isə Şah İsmayıl Xətai və Məhəmməd Füzulinin dünya mədəniyyətinə verdiyi töhfələrdən danışıb.

“Onların adlarının sadalanması göstərir ki, xalqımız və diyarımız nə qədər istedadlarla zəngindir. Onların hər biri böyük bir dünyadır”, - deyə dövlət başçısı vurğulayıb.