Elçin Yusubov: Xankəndidə 28 min insan yaşayır, işləyir və təhsil alır
Xankəndi şəhərində bərpa və yenidənqurma işləri geniş vüsət alıb.
Azərbaycan Prezidentinin Xankəndi şəhəri, Xocalı və Ağdərə rayonlarında xüsusi nümayəndəsi Elçin Yusubov bu barədə diplomatik korpusun nümayəndələrinə məlumat verib.
O bildirib ki, aparılan quruculuq işləri ilə yanaşı, şəhərə və ətraf yaşayış məntəqələrinə sakinlərin qayıdışı da davam edir. Artıq ilk sakinlər Xankəndiyə, həmçinin Kərkicahan kəndinə qayıdıblar.
“Bu gün Xankəndidə 28 min insan yaşayır, işləyir və təhsil alır”, – deyə xüsusi nümayəndə vurğulayıb.
Elçin Yusubov qeyd edib ki, diplomatik korpusun nümayəndələri Xankəndidə görülən işlərlə və şəhərdə baş verən yeniliklərlə yerində tanış olmaq imkanı əldə edəcəklər.
