Bayramov: COP29 və COP31 sədrliyi arasında əməkdaşlıq regional həmrəyliyin nümunəsidir
COP29-a ev sahibliyi etmiş Azərbaycan Türkiyənin COP31 sədrliyi ilə əməkdaşlığı davam etdirir.
Bunu xarici işlər naziri Ceyhun Bayramov BMT-nin İqlim Dəyişmələri üzrə Çərçivə Konvensiyasının Dördüncü İqlim Həftəsinin açılış mərasimində çıxışı zamanı bildirib.
Nazir Azərbaycanın Türkiyəyə COP31-ə ev sahibliyi etməyə hazırlaşdığı bir vaxtda qardaş dəstəyini bir daha təsdiqlədiyini vurğulayıb.
C.Bayramov COP29 və COP31 sədrlikləri arasındakı əməkdaşlığın regional həmrəyliyin göstəricisi olduğunu qeyd edib. Onun sözlərinə görə, bu əməkdaşlıq iqlim sahəsində fəaliyyətin ardıcıllığının və qlobal təşəbbüslərin davamlılığının təmin edilməsinə töhfə verir.
Xatırladaq ki, Türkiyə bu il COP31-ə ev sahibliyi edəcək.
