Moskva–Vaşinqton arasında gizli xətt açıq qalır: Rusiya ABŞ xüsusi xidmətləri ilə əlaqələrin davam etdiyini açıqladı
Rusiya Xarici İşlər Nazirliyinin sözçüsü Mariya Zaxarova bildirib ki, Rusiya və ABŞ-ın aidiyyəti qurumları və xüsusi xidmətləri arasında kommunikasiya kanalları fəaliyyət göstərir.
Onun sözlərinə görə, bu əlaqələr planlı və işgüzar xarakter daşıyır və əsas məqsəd eskalasiyanın qarşısını almaq, eləcə də qarşılıqlı maraq doğuran məsələləri həll etməkdir.
Bu açıqlama ABŞ Mərkəzi Kəşfiyyat İdarəsinin (CIA) direktoru Con Retkliffin avqustun 25-də Moskvaya əvvəlcədən elan edilməmiş səfərindən sonra gündəmə gəlib. Kremlin məlumatına görə, Retkliffin səfəri zamanı Rusiya prezidenti Vladimir Putinlə görüş baş tutmayıb.
Beləliklə, iki ölkə arasında siyasi münasibətlər son dərəcə gərgin olaraq qalsa da, təhlükəsizlik və xüsusi xidmətlər səviyyəsində əlaqələrin tam kəsilmədiyi təsdiqlənir.
