Rusiya və Qazaxıstanın xarici işlər nazirliklərinin nümayəndələri bu gün regional əməkdaşlıq məsələlərinə həsr olunmuş məsləhətləşmələr keçiriblər. Görüş Astana şəhərində, hər iki ölkənin aidiyyəti departamentlərinin rəhbərləri səviyyəsində baş tutub. Bu barədə Rusiya Xarici İşlər Nazirliyinin rəsmi saytında məlumat verilib.
Açıqlamada bildirilir ki, məsləhətləşmələr zamanı tərəflər MDB, Avrasiya İqtisadi İttifaqı (Aİİ) və KTMT çərçivəsində əməkdaşlıq məsələlərini müzakirə ediblər.
“Ənənəvi dostluq və tərəfdaşlıq atmosferində region üzrə inteqrasiya təşkilatlarında xarici işlər nazirliklərinin koordinasiya fəaliyyəti ilə bağlı geniş fikir mübadiləsi aparılıb”, – deyə Rusiya XİN qeyd edib.
Xəbərdə həmçinin vurğulanır ki, görüş iştirakçıları Rusiya tərəfinin KTMT-də sədrlik fəaliyyəti və Qazaxıstanın 2026-cı ildə Aİİ sədrlik dövrü ilə bağlı prioritet məsələlərə xüsusi diqqət yetiriblər.

Urbaninfo.az