Braziliyada yaşlı pastor 8 yaşlı nəvəsinə qarşı cinsi zorakılıq törətməkdə ittiham olunaraq saxlanılıb.

“Metropoles” nəşrinin məlumatına görə, hadisə avqustun 31-də baş verib. Polis bildirir ki, qızın anası onu həmin gün babasının evində qoyub. Uşağın babası ilə birlikdə kilsəyə getməsi planlaşdırılıb.

Lakin qız evə qayıtdıqdan sonra anası onun özünü pis hiss etdiyini və hərəkət etməkdə çətinlik çəkdiyini müşahidə edib. Anasının baş verənlərlə bağlı suallarından sonra uşaq ağlayaraq babasının ona qarşı cinsi zorakılıq etdiyini bildirib.

İstintaq zamanı qız babasının daha əvvəl də ona qarşı analoji zorakılıq törətdiyini deyib. Polis şübhəlini saxlayıb və məhkəmənin qərarı ilə barəsində həbs qətimkan tədbiri seçilib.

Hadisə ilə bağlı araşdırma davam edir. Hüquq-mühafizə orqanları uşağın ifadələri və digər sübutlar əsasında işin bütün hallarını müəyyənləşdirirlər.

Məlumata görə, bu hadisə son günlər uşaqlara qarşı cinsi zorakılıqla bağlı yayılan xəbərlərdən biridir. Hindistanda da üç yaşlı qıza qarşı cinsi zorakılıqda şübhəli bilinən taksi sürücüsü saxlanılıb. Bundan əvvəl isə başqa bir ölkədə yaşlı kişinin uşağı tikintisi başa çatmamış binaya apararaq ona qarşı cinsi zorakılıq törətdiyi barədə məlumat yayılmışdı.