ABŞ Prezidenti Donald Tramp Roma Papası XIV Levaya “Sülh Şurası”na qoşulma dəvəti göndərib. Bu barədə 21 yanvar tarixində Vatikanın dövlət katibi Pietro Parolin məlumat verib.
Parolinin sözlərinə görə, Papa hələ bu dəvəti qəbul edib-etməyəcəyi barədə cavab verməyib. “Biz də bu dəvəti aldıq, Papa onu aldı və biz hazırda qərar verməyi müzakirə edirik. Bu məsələ müəyyən düşünmə vaxtı tələb edir”, – deyə o bildirib.
Məlumatlara görə, “Sülh Şurası”na 60 ölkə dəvət olunub. Əvvəlki xəbərlərdə qeyd olunub ki, ABŞ lideri “Sülh Şurası”na qoşulmaq üçün Rusiya, Azərbaycan, Türkiyə prezidentlərini, Ermənistanın baş nazirini və digər dövlət liderlərini də dəvət edib.
Eyni zamanda bəzi mənbələr bildirir ki, Fransa və Norveç liderləri oxşar dəvəti rədd ediblər.

Urbaninfo.az