Netanyahu: İran İsrailə hücum edərsə, misilsiz cavab alacaq

İsrailin Baş naziri Benyamin Netanyahu yanvarın 19-da ölkə parlamentində – Knessetdə çıxışı zamanı bildirib ki, İran İsrailə hücum edərsə, yəhudi dövləti buna misilsiz güclə cavab verəcək.
Baş nazir vurğulayıb ki, Tehran belə bir addım atacağı təqdirdə ciddi səhvə yol vermiş olacaq:
“Əgər İran səhv edib bizə – İsrailə hücum edərsə, biz indiyədək görünməmiş güclə cavab verəcəyik”, – deyə Benyamin Netanyahu bildirib.
Onun sözlərinə görə, istənilən ssenaridə İslam Respublikası əvvəlki vəziyyətinə qayıda bilməyəcək. Netanyahu əlavə edib ki, İsrail öz təhlükəsizliyini təmin etmək üçün bütün zəruri tədbirləri görməyə hazırdır.
Sosial şəbəkələrdə paylaş