15 yanvar 2026-cı ildə Kiprdə keçirilən mətbuat konfransında Avropa Komissiyasının sədri Ursula fon der Lyayen Avropa İttifaqının yeni təhlükəsizlik strategiyasının hazırlanmasına başladığını açıqlayıb. Onun sözlərinə görə, strategiyanın ilkin mərhələsində mövzuların sərt şəkildə məhdudlaşdırılması və ya genişləndirilməsi məqsədəuyğun deyil. Yeni strategiya təqdim olunduqda isə, Avropa Təhlükəsizlik Şurasının yaradılıb-yaradılmayacağı aydın olacaq.
Fon der Lyayen qeyd edib ki, strategiyanın əsas məqsədi mövcud geosiyasi və geostrategik dəyişiklikləri analiz etmək, real təhlükələri və ehtiyacları müəyyənləşdirmək və onlara adekvat cavab verməkdir.
Eyni zamanda, Avropa Parlamenti Təhlükəsizlik və Müdafiə Komitəsinin (SEDE) hesabatında Rusiya Aİ üçün əsas təhlükə olaraq göstərilib. Hesabatda bildirilir ki, Avropa İttifaqı İkinci Dünya Müharibəsindən sonra ilk dəfə bu qədər ciddi milli təhlükəsizlik təhdidi ilə üzləşib. Bu təhdid Ukrayna konflikti ilə yanaşı, hibrid hücumlar, terrorizm, kibertəhlükələr, kritik infrastruktur və iqlim dəyişikliyi riskləri ilə bağlıdır. Çin isə “strateji rəqib”, NATO isə “kollektiv müdafiənin təməl daşı” kimi qiymətləndirilib.
 Bu addım Aİ-nin təhlükəsizlik siyasətində strateji yanaşmanı gücləndirməyə yönəlib. Rusiya və Çin kimi aktorların təhdidləri ilə yanaşı, hibrid və kibertəhlükələrə qarşı hazırlıqlı olmaq məqsədilə Avropa öz müdafiə və koordinasiya mexanizmlərini gücləndirir.
Urbaninfo.az