ABŞ Prezidenti Donald Tramp sosial şəbəkə Truth Social-da Minnesota ştatının hakimiyyətini Daxili üsyan qanunu (Insurrection Act) ilə hədələyib. Bu qanun ona ölkə daxilində hərbi qüvvələrdən istifadə etmək səlahiyyəti verir.
“Əgər Minnesotadakı korrupsiyaya bulaşmış siyasətçilər qanunu pozub ICE (ABŞ İmmiqrasiya və Gömrük Xidməti) patrulçularına hücum edən peşəkar təbliğatçılar və üsyançıları dayandırmazsa, mən Daxili üsyan qanununu tətbiq edəcəyəm”, – Tramp bildirib. O əlavə edib ki, bir çox prezident bunu ondan əvvəl də edib və belə bir vəziyyətdə o, ştatda baş verən “fasadı” tezliklə dayandıracaq.
13 yanvar Tramp Minnesota sakinlərinə “hesab günü və ədalət günü” vəd edib, bu, ştatın miqrasiya siyasəti və ICE fəaliyyətinə etirazlarla bağlıdır.
Xatırladaq ki, 7 yanvar Minnespolisdə ICE əməkdaşı avtomobilin sükanı arxasında əyləşən qadına atəş açıb. Müşahidə kamerasının görüntülərində görünür ki, əməkdaşlar avtomobili saxladıqdan sonra qapını açmağı tələb edib, maşın irəliləməyə başlayanda isə əməkdaş silah çıxarıb və qadına ən azı iki dəfə atəş açıb.
Hadisədən sonra Minnespolis meri Ceykob Frey ICE-dən şəhərdən getməyi tələb edib. O, əməkdaşların öz hərəkətlərini özünü müdafiə kimi təqdim etməyə çalışdığını bildirib, lakin merin sözlərinə görə, “bu, tamamilə yalandır”.

Urbaninfo.az