Anar Quliyev: WUF13 göstərdi ki, mənzil davamlı inkişafın əsasını təşkil edir
WUF13 bir daha göstərdi ki, mənzil yalnız əsas insan ehtiyacı deyil, həm də ləyaqətin, dayanıqlılığın, sosial inklüzivliyin, iqtisadi imkanların və davamlı inkişafın əsasını təşkil edir.
Urbaninfo.az xəbər verir ki, bunu Ümumdünya Şəhərsalma Forumunun 13-cü Sessiyasının (WUF13) bağlanış mərasimində Dövlət Şəhərsalma və Arxitektura Komitəsinin sədri Anar Quliyev deyib.
O bildirib ki, qlobal mənzil böhranının həlli effektiv çoxtərəfli əməkdaşlıq, innovativ maliyyələşmə mexanizmləri və bütün səviyyələrdə əlaqələndirilmiş fəaliyyət tələb edir.
WUF13 şəhərlərin təhlükəsiz, dayanıqlı və insan ləyaqətinə uyğun inkişafı üçün həqiqətən qlobal dialoq və əməkdaşlıq platformasına çevrilib.
