Rusiyanın yeni reaktiv yaylım atəş sistemi (RSZO) “Sarma” Amerika istehsalı olan HIMARS sistemi ilə müqayisədə bir sıra üstünlüklərə malikdir. Bu barədə hərbi ekspert Aleksey Leonkov “Rossiyskaya qazeta”ya müsahibəsində bildirib.
Ekspertin sözlərinə görə, həm “Sarma”, həm də HIMARS yüksək dəqiqliyi və mobil olması ilə seçilir. Lakin texniki göstəricilər baxımından “Sarma” daha üstün imkanlara malikdir. Belə ki, HIMARS sistemi 227 millimetrlik altı raketlə 70 kilometrədək məsafəni vura bildiyi halda, “Sarma” 300 millimetrlik altı raketi 120 kilometr məsafəyə buraxa bilir.
Leonkov qeyd edib ki, yeni RSZO həmçinin Rusiya ordusunun silahlanmasında olan “Tornado-S” sistemi ilə müqayisədə də üstünlüklərə malikdir. Xüsusilə, “Sarma”nın çəkisi demək olar ki, iki dəfə azdır və döyüş mövqeyində daha sürətli yerləşdirilə bilir.
Qeyd edək ki, “Sarma” yaylım atəş sisteminin yaradılması barədə ilk dəfə 2023-cü ilin iyun ayında məlumat verilib. Bu sistem “KamAZ” şassisi əsasında hazırlanan “Kama” RSZO layihəsinin davamı hesab olunur.

Urbaninfo.az