ABŞ ordusu Yaxın Şərqdə İranın hərbi strukturunu iflic edəcək və cavab zərbələrini istisna edən miqyasda hücum həyata keçirmək üçün yetərli qüvvəyə malik deyil. Bu barədə The Washington Post qəzeti məlumat yayıb.
Nəşrin yazdığına görə, hazırda ABŞ administrasiyasının regionda genişmiqyaslı hərbi əməliyyat aparmağa imkan verən kifayət qədər hərbi resursu mövcud deyil. “Administrasiyanın hazırda regionda cavab reaksiyası riski olmadan tammiqyaslı zərbə endirmək üçün lazımi aktivləri yoxdur”, – deyə qəzet qeyd edir.
Məlumata əsasən, ABŞ Mərkəzi Komandanlığının (CENTCOM) əhəmiyyətli hissəsi Venesuelaya qarşı aparılan əməliyyat çərçivəsində Karib dənizi hövzəsinə yönəldilib. Bu isə Yaxın Şərqdəki hərbi potensialın azalmasına səbəb olub.
Qeyd edək ki, ABŞ-ın Mərkəzi Komandanlığı əsasən Fars körfəzi və Yaxın Şərq regionuna cavabdehdir.
Xatırladaq ki, daha əvvəl ABŞ prezidenti Donald Tramp İranda etiraz edənləri dəstəkləməyə hazır olduğunu bəyan etsə də, Vaşinqtonun mümkün addımlarının konkret mahiyyətini açıqlamamışdı. Tramp eyni zamanda ABŞ-ın İranda “qalib gəlmək” niyyətində olduğunu da bildirib.

Urbanimfo.az