Qazaxıstanda “Pobeda” və Uzbekistan Airways təyyarələrinin təhlükəli yaxınlaşması araşdırılacaq

Qazaxıstanın Cənubi hissəsində bir neçə gün əvvəl “Pobeda” və Uzbekistan Airways aviakompaniyalarına məxsus təyyarələrin təhlükəli yaxınlaşması baş verib. Hadisə Şımkentin üzərində, 9–10 yanvar gecəsi, yerli vaxtla saat 05:42-də (Moskva vaxtı 03:42) qeydə alınıb.
Rusiya aviakompaniyasının təyyarəsi Moskvadan Samarkanda, özbəkin isə Terməzdən Moskvaya uçurdu. Hadisənin təhlükəli xarakter daşıması səbəbindən Qazaxıstan Nəqliyyat Nazirliyi xüsusi komissiya yaradaraq insidenti araşdıracaq.
Nazirlik bildirir ki, komissiyanın yaradılmasından hesabatın təsdiqinə qədər araşdırma adətən üç ayı keçmir, yalnız əlavə tədqiqatlar tələb olunarsa, müddət uzana bilər.
Urbaninfo.az
Sosial şəbəkələrdə paylaş