İran ABŞ-la dialoqa hazır olduğunu açıqladı.
İran Xarici İşlər naziri Abbas Araqçi bildirib ki, İran ABŞ-la danışıqlara hazırdır, lakin bu danışıqlar bərabərhüquqlu və qarşılıqlı hörmət əsasında aparılmalıdır.
“Daha əvvəl də dəfələrlə demişəm, biz də danışıqlara hazırıq – amma ədalətli, bərabər şərtlərlə və qarşılıqlı hörmət prinsipi ilə. Bu danışıqlar diktə və göstəriş formasında deyil, real və ciddi olmalıdır”, – deyə Araqçi xarici səfirlərə müraciətində bildirib.
İran televiziyası nazirin bu çıxışından parçanı yayımlayıb. Daha əvvəl ABŞ Prezidenti Donald Tramp İranın nüvə proqramı ilə bağlı danışıqlara çağırış etdiyini və Vaşinqtonun İran nümayəndələri ilə görüşə hazır olduğunu açıqlamışdı.

Urbaninfo.az