Xiaomi 2026-cı ildə şirkətin öz texnologiyaları – emal prosessoru, əməliyyat sistemi və süni intellekt (İİ) ilə işləyən smartfonunu təqdim etməyi planlaşdırır. Bu barədə şirkətin təsisçisi və baş direktoru Ley Cjun daxili mükafatlandırma mərasimində bildirib. Həmin mərasimdə texnoloji komandaların əsas mükafatı XRING O1 çipini hazırlayanlara təqdim olunub.
XRING O1 – ikinci nəsil 3-nanometrlik texnologiya ilə hazırlanmış prosessor olub və Çin istehsalı olan ilk flaqman mobil çipdir. Bu nailiyyət Xiaomi-ni 3-nm çiplər istehsal edən dünya üzrə dörd əsas şirkətdən biri edir; siyahıya Apple, Qualcomm və MediaTek də daxildir.
Xiaomi texnoloji müstəqilliyi təmin etmək üçün növbəti beş ildə 200 milyard yuan investisiya qoymağı planlaşdırır. Şirkət əsas diqqəti çiplərin, əməliyyat sistemlərinin və İİ texnologiyalarının inkişafına yönəldəcək. Bu, əvvəlki beşillik investisiya proqramından iki dəfə artıqdır – əvvəlki plan 100 milyard yuan idi və 105 milyard yuan xərclənmişdi.
Şirkət rəhbərliyinə görə, bu strategiya “insan-avtomobil-ev” ekosistemində uzunmüddətli rəqabət üstünlüyü yaradacaq və istifadəçilər üçün daha inteqrasiya olunmuş və görünən təcrübə təmin edəcək.