Alimlər bildirir ki, mədə xərçəngi riski uzun müddət əvvəl simptomlar görünmədən formalaşır və buna yaş, siqaret çəkilməsi, qan genetik dəyişiklikləri və hətta ağız boşluğundakı bakteriyalar təsir göstərir. Araşdırma Duke-NUS Medical School və Sinqapur Milli Universiteti tərəfindən aparılıb və Cancer Discovery jurnalında yayımlanıb.
Tədqiqatçılar 1 500-dən çox mədə toxuması nümunəsini analiz edib və aşkar ediblər ki, prexərçəng dəyişiklikləri zamanı artıq hüceyrələrdə gələcək şişlə əlaqəli mutasiyalar toplanır. ARID1A geni zədələnmələri xüsusilə yüksək risk və pis proqnozla əlaqələndirilib.
Bundan başqa, oksidləşmə stressinə bağlı DNT zədələnmələri, yaşla bağlı qan hüceyrələri mutasiyaları (klonal hemopoez) və ağız bakteriyaları, o cümlədən Streptococcus, mədə xərçəngi riskini artıran amillər kimi qeyd olunub.
Alimlər vurğulayır ki, xəstəlik tək səbəb nəticəsində yaranmır, əksinə bir neçə mənfi faktorun uzunmüddətli təsiri ilə inkişaf edir. Bu nəticələr risk qrupundakı şəxslərin xəstəlik yaranmadan əvvəl müəyyənləşdirilməsi və effektiv profilaktik tədbirlərin hazırlanması üçün önəmlidir.