Tədqiqat göstərir ki, erkən (40–45 yaş) və ya çox erkən (40 yaşdan əvvəl) menopauza ürək-damar xəstəlikləri və insult riskini artırsa da, 1-ci və 2-ci tip şəkərli diabetlə əlaqəli deyil. 
Əvvəllər hesab olunurdu ki, erkən menopauza diabetin yaranmasına səbəb ola bilər, çünki hormonal dəyişikliklər yağ kütləsinin artması və insulinə həssaslığın azalması ilə müşayiət olunur.
Tədqiqatda 147 min qadının məlumatları 14,5 il ərzində izlənib. Nəticələr göstərdi ki, menopauzanın yaşı diabet riskinə statistik baxımdan təsir etmir.
Diabet riski isə digər faktorlarla bağlıdır: siqaret çəkmə, piylənmə, tərəvəz azlığı, duzun həddindən artıq istehlakı və xolesterini azaltmaq üçün dərman qəbulu. Alimlər vurğulayır ki, bu amillər dəyişdirilə bilər və diabetin qarşısının alınmasında əsas hədəflər ola bilər.

Urbaninfo.az