WhatsApp Android əməliyyat sistemi üçün tətbiqin interfeysində genişmiqyaslı yeniləmə üzərində işləyir. Yeniliklər çərçivəsində messencerdə ayrıca “Contacts” (Kontaktlar) bölməsinin yaradılması nəzərdən keçirilir. Bu barədə WABetaInfo portalı məlumat yayıb.

Məlumata görə, yeni bölmə aşağı naviqasiya panelində yerləşdirilə bilər. Burada istifadəçilər hazırda onlayn olan və ya yaxın vaxtlarda aktivlik göstərən kontaktları daha sürətli tapa biləcəklər. Bununla yanaşı, son görülmə vaxtını və onlayn statusunu gizlədən şəxslər siyahıda görünməyəcək.

Yeni funksiyanın əlavə olunması ilə əlaqədar tətbiqin interfeysində bir sıra dəyişikliklər həyata keçirilir. Daha əvvəl WhatsApp Meta AI alətləri üçün ayrıca bölmə yaradıb, statusları Instagram-a bənzər şəkildə çatlar siyahısının yuxarı hissəsinə köçürüb və yazışmalar bölməsində kanallar üçün filtr funksiyasını sınaqdan keçirməyə başlayıb. Bu dəyişikliklərin məqsədi naviqasiyanı sadələşdirmək və yeni funksiyalar üçün yer açmaqdır.

Hazırda tərtibatçılar interfeysin yenidən təşkili ilə bağlı müxtəlif variantları nəzərdən keçirirlər. Mümkün ssenarilərdən biri Meta AI bölməsinin gələcəkdə ləğv edilərək onun yerinə “Contacts” bölməsinin yerləşdirilməsidir. Lakin bu barədə yekun qərar hələ verilməyib.

Funksiya hazırda hazırlanma mərhələsindədir və hətta beta test iştirakçıları üçün də əlçatan deyil. Onun WhatsApp-ın stabil versiyasında nə vaxt istifadəyə veriləcəyi isə hələ açıqlanmayıb.

İyunun 9-dan 10-na keçən gecə Yupiter və Venera bir-birinə maksimum yaxınlaşacaq. Göy üzünün ən parlaq iki planeti olan Yupiter və Veneranın bu “qovuşması” axşam saatlarında qərb istiqamətində aydın müşahidə ediləcək.

Avqustun 15-nə keçən gecə isə Yupiter Merkuri ilə yaxınlaşacaq. Adətən Günəşə yaxın yerləşdiyi üçün Merkuri Yer kürəsindən çətin görünür. Lakin bu dəfə planet Günəşdən kifayət qədər uzaq mövqedə olacağından səhər saatlarında onu müşahidə etmək mümkün olacaq.

Elon Maskın empatiya ilə bağlı X sosial şəbəkəsində yazdığı birmənalı qarşılanmayıb. Urbaninfo.az sözügedən fikirləri təqdim edir:
“Empatiya istismarından ehtiyatlı olun.
Empatiya düşünülmüş şəkildə olduqda (dərin empatiya) yaxşı və doğrudur. Amma sadəcə ani emosional reaksiya formasında olduqda (səthi empatiya), sivilizasiya üçün təhlükəli ola bilər.
Məsələn, təkrar zorakı cinayət törədən bir şəxsi azad etmək ilk baxışda yaxşı hiss etdirə bilər (cinayətkara qarşı səthi empatiya). Lakin həmin şəxsin sonradan günahsız insanlara zərər verəcəyi və ya onları öldürəcəyi nəzərə alınanda bu, yanlış qərardır. Çünki gələcək qurbanlara qarşı daha dərin empatiya göstərilməlidir.”

Dünyaşöhrətli aktyor Ceki Çan "Tanrının yaraqları 4: Ultimatum" filmini Qazaxıstan və Azərbaycanda çəkəcək.

Urbaninfo.az Oxu.az-a istinadla xəbər verir ki, bu barədə "Variety" məlumat verir.

Bu, aktyorun Orta Asiyada çəkilən ilk layihəsi olacaq. Çəkilişlər 2026-cı ilin iyul ayında başlayacaq və dünya premyerası 2027-ci ilin ikinci rübündə planlaşdırılıb.

Layihənin rejissor kürsüsündə əvvəllər "Gecə növbətçisi", "Xüsusilə təhlükəli" və "Major Grom" kimi filmlər üzərində işləmiş Robert Kun əyləşəcək.

Filmin yeni seriyası "Asiya şahini" ləqəbli Çanın macəralarını davam etdirəcək. Ssenariyə əsasən, baş qəhrəman dəyəri 20 milyon dollardan çox olan qədim Tumar artefaktını əldə etmək üçün yenidən təhlükələrlə dolu bir mübarizəyə qoşulacaq.

Sözügedən kino layihəsi Qazaxıstanın "Salem Entertainment" şirkəti tərəfindən, Astana Beynəlxalq Maliyyə Mərkəzinin qeydiyyatında olan "Alem" Fondunun dəstəyi ilə ərsəyə gətirilir.

Qeyd edək ki, bundan öncə filmin Qazaxıstanda çəkiləcəyi bildirilsə də, Azərbaycanla bağlı hər hansı məlumat yox idi.

Amerikada yaşayan jurnalist Qənirə Ataşova oğlu Ceyhunla bağlı paylaşım edib.

Urbaninfo.az xəbər verir ki, jurnalist övladının evdə səliqəyə riayət etmədiyini bildirib:

"Mənə pis ana deyə bilərsiniz. Bu pintiliyə görə onu evdən qovmuşdum. İnanın, otağı bu vəziyyətdə olurdu. Amma qovulandan sonra evə qayıdanda divarları öpüb dedi: "Ana, bu evin qaydalarına qurban olaram".

Maşını ona təmiz vermişdim. 4 aydır həmin maşın zibilliyə çevrilib. Nə istəsəniz içindən tapmaq mümkündür. Sonda paylaşdığım foto isə mənim təmizliyimdən bir parçadır. Onu da uşaqlar bəyənmir".

Qeyd edək ki, Qənirə Ataşova iki oğul anasıdır.

Ermənistanın sabiq prezidenti Serj Sərkisyan bildirib ki, müxalifəti birləşdirməyi bacaracaq əsas siyasi qüvvə “Güclü Ermənistan” partiyası ola bilər. Partiyaya iş adamı Samvel Karapetyan rəhbərlik edir.

Globalinfo.az xəbər verir ki, Sərkisyanın sözlərinə görə, Robert Köçaryan komandasının reytinqi onun rəhbərlik etdiyi Respublika Partiyasından daha yüksəkdir. Bununla belə, o, seçkilərdə hansı qüvvəni dəstəkləyəcəklərini hələ açıqlamayıb və tərəfdarların qərarı özlərinin verəcəyini deyib.

O, həmçinin Köçəryanın “Ermənistan” blokunun seçkilərdə uğur qazanmasının ümumi siyasi mühit üçün faydalı olacağını vurğulayıb.

Xatırladaq ki, Ermənistanda parlament seçkiləri 7 iyun tarixində keçiriləcək. Seçkilərdə hakim Vətəndaş Müqaviləsi Partiyası (lideri Nikol Paşinyan), Köçəryanın “Ermənistan” bloku və Karapetyanın “Güclü Ermənistan” bloku da daxil olmaqla bir sıra siyasi qüvvələr iştirak etməyi planlaşdırır.