Merkurinin yaranmasından bu günə qədər radiusunun 10 kilometrdən artıq azaldığı aşkarlanıb.

Bu barədə Yaponiyanın Hokkaydo Universitetinin alimlərinin apardığı araşdırmada məlumat verilib. Qaku Nişiyamanın rəhbərlik etdiyi tədqiqatçıların əldə etdiyi nəticələr “Geophysical Research Letters” jurnalında yayımlanıb.

Məlumata görə, planetin daxili qatlarının uzunmüddətli soyuması və sıxılması Merkurinin ölçülərinin azalmasına səbəb olub. Proses nəticəsində planetin səthində müxtəlif geoloji qırışıqlar formalaşıb.

Tədqiqatçılar qeyd ediblər ki, meteorit zərbələri nəticəsində yaranan kraterlər və lava örtükləri əvvəlki dövrlərdə bu geoloji izlərin bir hissəsini örtüb. Bu səbəbdən Merkurinin kiçilmə miqdarını dəqiq hesablamaq çətin olub.

Yeni analiz üsulu planetin hazırkı radiusu təxminən 2 440 kilometr olan Merkurinin 10 kilometrdən çox kiçildiyini ortaya qoyub.