Google korporasiyası Android əməliyyat sistemində rəsmi Google Play Store-dan kənar tətbiqlərin quraşdırılmasını çətinləşdirmək planlarını təsdiqləyib. Mənbə: Android Authority.
Google Play məhsul idarəetmə direktoru Metyu Forsayt bildirib ki, söhbət APK fayllarının quraşdırılmasının tam qadağan edilməsindən getmir. Bunun əvəzinə şirkət “məsuliyyət səviyyəsi” adlanan yeni mexanizmi tətbiq edəcək, bu da istifadəçilərdən əlavə təsdiqləmə addımlarını tələb edəcək.
Texniki cəhətdən bilikli istifadəçilər hələ də “təstiqsiz quraşdır” seçimini edə biləcəklər, amma proses əlavə xəbərdarlıqlar və addımlar ilə müşayiət olunacaq. Bu, qeyri-təsdiqlənmiş tərtibatçılardan gələn tətbiqlərin risklərini daha aydın göstərmək üçün nəzərdə tutulub.
Yeni dəyişikliklər Google Play-in son versiyalarının kodunda artıq görünür: tətbiq mənbələrinin və müəlliflərin yoxlanmasına dair xəbərdarlıq mexanizmləri əlavə olunub.
Hazırda quraşdırmanın dəqiq nə qədər çətinləşəcəyi məlum deyil, lakin Google radikal tədbirlər — məsələn, kompüter və ya xarici vasitələrdən istifadəni məcburi etmək — planlaşdırmır.