Uzunmüddətli hədəflərə çatmaq hər zaman asan olmur. Psixoloqlar bildirir ki, motivasiyanı qorumağın ən effektiv yollarından biri – kiçik uğurları qeyd edib özünüzü mükafatlandırmaqdır. Bu, məqsədə gedən yolda sizi həm ruhlandırır, həm də diqqətinizi dağılmadan saxlamağa kömək edir.
Ekspertin sözlərinə görə, motivasiyanın davamlı olması üçün əsas məqamlar belədir:
Kiçik qələbələri qeyd etmək: Hər bir uğurlu mərhələni qiymətləndirin və özünüzü mükafatlandırın.
Realist hədəflər qoymaq: Hədəflər çətin, amma əldə olunabilən olmalıdır ki, motivasiyanız sönməsin.
Tapşırıqları hissələrə bölmək: Böyük məqsədləri kiçik, konkret mikro-vəzifələrə ayırın və SMART prinsiplərinə uyğun hədəflər təyin edin.
Bundan əlavə, gündəlik rejimi təkmilləşdirmək, iş mühitini optimallaşdırmaq, kifayət qədər yatmaq, düzgün qidalanmaq, fiziki fəaliyyətlə məşğul olmaq və vaxtında istirahət etmək də beynin işləməsi və motivasiyanın qorunması üçün vacibdir.
Beləliklə, məqsədə çatmaq yalnız iradədən deyil, həm də planlaşdırma və gündəlik vərdişlərdən asılıdır. Kiçik addımlar böyük nəticələrə aparır.