Bu gün, 22 yanvar, İsveçrənin Davos şəhərində ABŞ Prezidenti Donald Trampın təşəbbüsü ilə yaradılan **“Sülh Şurası”**nın xartiyası imzalanıb. Ermənistan da bu xartiyaya qoşulub. Xəbərlərə görə, ilkin olaraq Qəzza zolağı üçün sülh planının növbəti mərhələsini nəzarətdə saxlamaq məqsədi ilə təklif edilən şura indi daha geniş fəaliyyət sferasına malik beynəlxalq təşkilat kimi fəaliyyət göstərəcək.
Xartiyada şuranın mandatı geniş şəkildə müəyyənləşdirilib: “Münaqişədən təsirlənmiş və ya təhlükə altında olan ərazilərdə sabitliyi təşviq etmək, etibarlı və qanuni idarəçiliyi bərpa etmək və davamlı sülhü təmin etmək.”
Tramp şuranın sədri olacaq və yalnız könüllü istefa və ya idarəetmədə əlillik hallarında icraedici heyətin yekdil qərarı ilə əvəz oluna bilər. Hər bir üzv dövlətin mandatı üç ildən artıq olmayacaq, lakin 1 milyard ABŞ dollarından çox töhfə verənlər üçün istisna nəzərdə tutulub.
Təşkilatın təsisçi icraedici heyətinə ABŞ Dövlət katibi Marko Rubio, xüsusi elçi Stiv Vitkoff, Trampın kürəkəni Cared Kuşner, sabiq Böyük Britaniya Baş naziri Toni Bleyr və Dünya Bankının prezidenti Ajay Banga daxildir.
Azərbaycanın bu beynəlxalq təşəbbüsdə iştirakı ölkəmizin qlobal sülh və təhlükəsizlik məsələlərində nüfuzlu tərəfdaş olduğunu bir daha təsdiqləyir.

Urbaninfo.az