FIFA prezidenti Canni İnfantino Argentina millisində karyerasını başa vurduğunu açıqlayan Lionel Messi ilə bağlı paylaşım edib.

İnfantino Messinin milli komandadakı çıxışlarını yüksək qiymətləndirərək onun milyonlarla insana ilham verdiyini bildirib.

“Lionel Messini futbol tarixində iz qoyan möhtəşəm beynəlxalq karyerası münasibətilə təbrik edirəm. O, milyonlarla insanı ruhlandırıb və bu gözəl oyuna yeni baxış gətirib. Argentina millisinin formasında yaşatdığın bütün unudulmaz anlara və dünyanın müxtəlif yerlərində azarkeşləri bir araya gətirdiyinə görə təşəkkür edirəm. Yolunun növbəti mərhələsində sənə ən xoş arzularımı çatdırıram”, – FIFA prezidenti qeyd edib.

Messi avqustun 31-də Argentina millisində karyerasını başa vurduğunu rəsmən açıqlayıb.

2026-cı il dünya çempionatında Messi 8 qol vuraraq bombardirlər siyahısında ikinci olub. İlk pillədə 10 qolla Kilyan Mbappe qərarlaşıb. Finalda isə İspaniya Argentina üzərində 1:0 hesabı ilə qalib gələrək dünya çempionu olub.

Messi Argentina millisinin heyətində 2022-ci ildə dünya çempionu, 2014 və 2026-cı illərdə dünya çempionatının gümüş medalçısı, 2008-ci ildə Olimpiya çempionu olub. O, həmçinin 2021 və 2024-cü illərdə Amerika Kubokunu qazanıb.

Futbolçu 8 dəfə “Qızıl top” mükafatına sahib olmaqla bu göstərici üzrə rekordçudur.