ABŞ Prezidenti Donald Tramp Azərbaycan Prezidenti İlham Əliyevə məktub göndərərək, ölkəmizi yeni yaradılan Sülh Şurasına təsisçi üzv dövlət qismində dəvət edib. Tramp məktubunda, Sülh Şurasının Qəzza münaqişəsinin həlli üçün 20 bəndlik plan əsasında fəaliyyət göstərəcəyini və BMT Təhlükəsizlik Şurası tərəfindən dəstəkləndiyini vurğulayıb.
Azərbaycan Prezidenti İlham Əliyev cavab məktubunda bu dəvəti yüksək qiymətləndirərək, ölkəmizin regional və qlobal sülhün təşviqində rolunu davam etdirəcəyini qeyd edib. İlham Əliyev Sülh Şurasının fəaliyyətinin səmərəli olacağına inamını ifadə edib və ABŞ Prezidenti Trampa təşəkkürünü çatdırıb.
Sülh Şurasına qoşulmaq Azərbaycan üçün diplomatik nüfuzun artırılması, beynəlxalq qərar qəbuletmə prosesində iştirak və regional stabilliyin güclənməsi kimi strateji üstünlüklər təmin edir.
Azərbaycan artıq bu yeni beynəlxalq platformada sülh təşəbbüslərində fəal rol oynayacaq və Qəzza münaqişəsi ilə bağlı davamlı həll yollarının yaradılmasına töhfə verəcək.

Urbaninfo.az