ABŞ Prezidenti Donald Tramp jurnalistlərin sualına cavab olaraq bildirib ki, onun administrasiyası İrandakı müxalifətə hansı dəstəyi göstərəcəyini açıqlamayacaq. CNN xəbər verir ki, bu açıqlama Trampın Detroitdəki Ford zavoduna səfəri zamanı verilib.
Jurnalistlər Trampdan Truth Social platformasında yazdığı paylaşımda müxalifətə “öz qurumlarını ələ keçirməyə” çağırması və “dəstəyin artıq yolda olması” barədə soruşublar. Prezident yalnız “Bunu özünüz öyrənməlisiniz. Bağışlayın” cavabını verib.
Qeyd edək ki, dekabrın sonunda İran milli valyutasının devalvasiyası fonunda genişmiqyaslı etirazlara səhnə olub. Təhlükəsizlik qüvvələri polis gözyaşardıcı qaz və pnevmatik silahlardan istifadə edərək aksiyalara qarşı tədbir görüb. Etirazlar 25 əyalətdə 60-dan çox şəhəri əhatə edib, ən böyük aksiyalar Tehranda keçirilib. Ən sərt qarşıdurmalar isə ölkənin qərb və cənub-qərb bölgələrində — Malekşaha, Kərmənşah və Lordegan şəhərlərində qeydə alınıb.

Urbaninfo.az