İranın Rəşt şəhərində baş verən iğtişaşlar zamanı faciəli hadisə qeydə alınıb. İmam Səccad (ə) adına müalicə klinikasının gənc tibb bacısı Mərziyyə Nəbuvinia klinikada baş verən yanğın nəticəsində həyatını itirib.
Məlumata görə, iğtişaş gecəsində klinika naməlum şəxslər tərəfindən yandırılıb. Hadisə zamanı Mərziyyə Nəbuvinia xəstələrə xidmətini yarımçıq qoymayaraq, son xəstəni də çarpayıdan çıxarıb təhlükəsiz yerə aparıb. O, xəstələrini tərk etmədən vəzifə borcunu yerinə yetirməyə davam edib.
Son xəstə klinikadan çıxarıldıqdan sonra tibb bacısının iş otağında yanğın başlayıb. Alovun sürətlə yayılması səbəbindən Mərziyyə Nəbuvinianın binanı tərk etməsi mümkün olmayıb və o, yanğın nəticəsində faciəli şəkildə həlak olub.
Hadisə İran ictimaiyyətində ciddi rezonans doğurub.

#İran