Qətlə yetirilən həkimin qızından şikayət
Halime Gündüz atalığının əmlaklarla bağlı təzyiq etdiyini deyib
2023-cü ilin mayında Novxanıda qətlə yetirilən plastik cərrah Türkan Gündüzün qızı Halime Gündüz atalığı Muhammet Gündüzlə bağlı video yayımlayıb.
O, videoda həbsdə olan atalığının onu narahat etdiyini və anasından qalan əmlaklara sahiblənməyə çalışdığını iddia edib.
Halime Gündüz bildirib ki, tibb təhsili alır və təhsil xərclərinin qarşılanmasında anasından qalan əmlakların icarəsindən əldə olunan gəlir mühüm rol oynayır.
Şikayətçi kirayəçilərinin vəkil vasitəsilə narahat edildiyini, bunun isə onun gəlirlərinə təsir göstərdiyini söyləyib.
O, həmçinin anası ilə atalığının birgə nikah dövründə əldə etdiyi əmlakların bölüşdürülməsinin ədalətsiz olduğunu iddia edib.
Türkan Gündüz plastik cərrah və koloproktoloq olub. O, Türkiyədə “Acıbadem” xəstəxanasında, eləcə də Azərbaycanda müxtəlif klinikalarda çalışıb.
Muhammet Gündüz Türkan Gündüzün qətlinə görə məhkəmənin hökmü ilə 17 il müddətinə azadlıqdan məhrum edilib.
