Zığda 8 min manatlıq əşya oğurlayan şəxs saxlanıldı
Suraxanı rayonunda bir neçə oğurluq hadisəsi törətməkdə şübhəli bilinən şəxs saxlanılıb.
Bu barədə Suraxanı Rayon Polis İdarəsinin 33-cü Polis Şöbəsindən məlumat verilib.
Polis əməkdaşlarının həyata keçirdiyi tədbirlər nəticəsində 46 yaşlı Elbrus Əhmədov tutulub. İlkin araşdırmalara əsasən, o, Zığ qəsəbəsindəki marketlərdən birindən pul vəsaiti, tütün məhsulları və lotereya biletləri oğurlayıb.
Bundan başqa, onun bir sakinə məxsus evin zirzəmisindən dəyəri 8 min manat olan televizor və müxtəlif məişət əşyalarını götürdüyü müəyyənləşdirilib.
Hazırda fakt üzrə araşdırma aparılır.
