Çeçenistan rəhbəri Ramzan Kadırovun oğlu Adəm Kadırovun da olduğu avtomobil korteji Qroznı şəhərində yol-nəqliyyat hadisəsinə düşüb. İlkin məlumatlara görə, qəza nəticəsində Adəm Kadırov ağır bədən xəsarətləri alıb və təcili tibbi yardım vasitəsilə xəstəxanaya yerləşdirilib. Onun vəziyyətinin ağır olduğu bildirilir.
Hadisə zamanı bir nəfərin həlak olduğu da qeyd olunur. Ölən şəxsin kimliyi və hansı avtomobildə olduğu ilə bağlı rəsmi açıqlama verilməyib.
İnternet resurslarında yayılan məlumatlara əsasən, kortej yüksək sürətlə hərəkət edirmiş. Bildirilir ki, kolonun önündə hərəkət edən avtomobil qəfil maneə ilə qarşılaşıb. Bu səbəbdən sürücülər nəqliyyat vasitələrini vaxtında saxlaya bilməyib və nəticədə avtomobillər bir-birinə çırpılmağa başlayıb.
Qəzanın dəqiq səbəbləri, eləcə də hadisə zamanı təhlükəsizlik qaydalarına nə dərəcədə əməl edildiyi hüquq-mühafizə orqanları tərəfindən araşdırılır. Rəsmi qurumlar hələlik məsələ ilə bağlı geniş məlumat yaymayıblar.
Hadisə ilə bağlı yeni detalların açıqlanacağı gözlənilir.

Urbaninfo.az