Çin Xalq Respublikası (ÇXR) Yaponiyaya strateji (iki məqsədli) malların ixracına ciddi məhdudiyyətlər tətbiq edib. Urbaninfo.az xəbər verir ki, qərar milli təhlükəsizliyin qorunması və beynəlxalq öhdəliklərin yerinə yetirilməsi məqsədilə qəbul olunub.
ÇXR ticarət nazirləri qeyd edir ki, Yaponiya müdafiə strukturlarına və ya Yaponiya hərbi potensialını gücləndirmək məqsədilə göndərilən, həm mülki, həm də hərbi istifadə üçün yararlı məhsulların ixracı tamamilə qadağan edilir.
Yeni qaydaların önəmli xüsusiyyəti eksteritorial qüvvəyə malik olmasıdır. Hər hansı ölkə və ya regiondan olan təşkilat və ya fərdlər ÇXR-dən çıxan bu tip məhsulları Yaponiya təşkilatlarına və ya şəxslərinə ötürsələr, qanun çərçivəsində məsuliyyətə cəlb olunacaqlar.