Prezident hər iki nəqliyyat dəhlizi üzrə yükdaşımaların artırılmasını hədəfləyib

Azərbaycanın beynəlxalq nəqliyyat dəhlizlərindəki mövqeyi güclənməkdə davam edir. 2026-cı ilin birinci yarısında ölkə ərazisindən keçən tranzit daşımalarının həcmi ötən ilin müvafiq dövrü ilə müqayisədə 10 faiz artaraq təxminən 8 milyon ton olub.

Bu barədə Prezident İlham Əliyev Türkmənbaşıda MDB Dövlət Başçıları Şurasının məhdud tərkibdə iclasında çıxışı zamanı məlumat verib.

Dövlət başçısı Azərbaycanın Şimal-Cənub və Şərq-Qərb beynəlxalq dəhlizləri boyunca etibarlı tranziti təmin etdiyini bildirib.

İlham Əliyev qeyd edib ki, ortamüddətli dövrdə hər iki istiqamət üzrə Azərbaycandan keçən yükdaşımaların həcminin 15 milyon tona çatdırılması nəzərdə tutulur.