Bakıda fəaliyyət göstərən 400 MVt gücündə “Şimal-2” Elektrik Stansiyasında bu ilin yanvar-avqust aylarında 1,8 milyard kVt/saat elektrik enerjisi istehsal olunub.
Bu barədə Energetika Nazirliyindən məlumat verilib.
Qeyd edilib ki, “Şimal-2” Elektrik Stansiyası 5 sentyabr 2019-cu ildə fəaliyyətə başlayıb. İstismara verildiyi gündən 2026-cı ilin sentyabr ayına qədər stansiyada ümumilikdə 21,1 milyard kVt/saat elektrik enerjisi hasil edilib.
Stansiyanın fəaliyyətinin ilk ilində, yəni 2019-cu ildə 1 milyard kVt/saat elektrik enerjisi istehsal olunub. Bu göstərici 2020-ci ildə 3 milyard, 2021-ci ildə 3,1 milyard kVt/saat təşkil edib.
2022 və 2023-cü illərin hər birində stansiyada 3,2 milyard kVt/saat elektrik enerjisi istehsal edilib. 2024-cü ildə bu rəqəm 3 milyard, 2025-ci ildə isə 2,8 milyard kVt/saat olub.