Özbəkistanın dövlət borcu ilin ilk altı ayında 48 milyard dolları ötüb. Bu barədə ölkənin İqtisadiyyat Nazirliyi məlumat yayıb.

Nazirliyin məlumatına görə, son bir il ərzində Özbəkistanın borc öhdəlikləri təxminən 5 milyard dollar artıb. Təkcə hesabat dövründə borcun məbləği daha 1,46 milyard dollar yüksəlib.

Maraqlıdır ki, borcun nominal həcmi artsa da, onun ölkənin ÜDM-də payı 32%-dən 27%-ə qədər azalıb.

Özbəkistanın borc öhdəliklərinin əsas hissəsi xarici kreditorların payına düşür. Belə ki, ümumi borcun təxminən 84%-i xarici borcdur. Xarici borcun həcmi son bir ildə 11% artıb.

Daxili borc öhdəlikləri isə 9% artaraq 7,6 milyard dollar təşkil edib.

Beləliklə, Özbəkistanın borcu sürətlə artsa da, iqtisadiyyatın ümumi həcmi ilə müqayisədə borc yükünün azalması diqqət çəkir.