Avropada qazın qiyməti 800 dolları keçdi – martdan bəri ən yüksək hədd
Avropada təbii qazın birja qiymətləri mart ayından bəri ilk dəfə 1 000 kubmetr üçün 800 dolları ötüb.
London birjasının məlumatına görə, artım 1,5% təşkil edib. Niderlanddakı TTF qaz qovşağında sentyabr fyuçersləri ticarətə 786,3 dollarla başlayıb. Moskva vaxtı ilə saat 11:07-də qiymət 800,4 dollara yüksəlib.
Öncəki ticarət gününün hesablaşma qiyməti isə 788,6 dollar olub.
Məlumata görə, Belçika iyun ayında Avropa İttifaqı ölkələri arasında Rusiyadan ən çox qaz alan ölkəyə çevrilib. Ölkə Rusiyadan qaz idxalını aylıq ifadədə 27%, illik ifadədə isə 1,8 dəfə artırıb.
Rus qazının idxalına görə ikinci yerdə Fransa, üçüncü yerdə isə Macarıstan qərarlaşıb. Belçikanın idxalının illik artımı 42% təşkil edib.
