Xəzər Boru Kəməri Konsorsiumu yanacağında dron hücumundan sonra baş verən yanğın söndürülüb
Artıq iyul ayında KTK terminalı ətrafında baş verən ardıcıl hücumlar fonunda daha geniş xarakter alıb.
Xəzər Boru Kəməri Konsorsiumunun (KTK) Novorossiysk yaxınlığındakı dəniz terminalında tankerə dron hücumundan sonra baş verən yanğın söndürülüb.
Məlumata görə, hadisə iyulun 30-na keçən gecə baş verib. KTK terminalının akvatoriyasında neft yükləməyə hazırlaşan iki tanker pilotsuz uçuş aparatlarının hücumuna məruz qalıb. Tankerlərdən biri – NIFFOS SIFNOS – KTK-nın Vahid Nöqtəli Yanalma Qurğusuna (SPM-3) qoşulmuş vəziyyətdə olub. Dron zərbəsindən sonra gəminin göyərtəsində yanğın baş verib. Yanğın gəmi heyəti və KTK-nın köməkçi gəmilərinin iştirakı ilə operativ şəkildə söndürülüb.
İlkin məlumatlara əsasən, tanker üzmə qabiliyyətini saxlayıb. Hadisə nəticəsində xəsarət alanlar barədə məlumat verilməyib. Gəmiyə dəyən zərərin miqyası hazırda qiymətləndirilir. Digər tanker – MARATHI – isə limandan bir neçə dəniz mili aralıda, yükləməyə növbə gözləyərkən hücuma məruz qalıb.
Bu hadisə KTK terminalı ətrafında son həftələrdə baş verən hücumların davamıdır. İyulun 19-da da terminalda neft yükləyən ASIA və NISSOS IOS adlı iki tanker pilotsuz uçuş aparatlarının hücumuna məruz qalmışdı. Həmin insident zamanı ASIA tankerində yanğın baş vermiş, alov söndürülmüş, insan tələfatı və neft sızması qeydə alınmamışdı.
İyulun 20-də KTK növbəti hücum barədə məlumat yaymış və tankerə zərbə nəticəsində yükləmələrin dayandırıldığını açıqlamışdı. Şirkət daha sonra iyulun 27-də terminalda neft yüklənməsinin bərpa edildiyini bildirmişdi.
KTK ilə bağlı problemlər bununla da məhdudlaşmır. 2026-cı ilin yanvarında terminala doğru hərəkət edən bir neçə neft tankerinə dron hücumları qeydə alınmışdı. Qazaxıstan rəsmiləri həmin hücumların ölkənin ixrac neftinin daşınmasına təsir etdiyini bildirmişdilər.
Aprelin əvvəlində isə Novorossiysk yaxınlığındakı KTK dəniz terminalının infrastrukturunun dron hücumundan zərər gördüyü barədə məlumat yayılmışdı. Hücum zamanı yanalma və yükləmə infrastrukturu ilə yanaşı, neft çənlərinin də zədələndiyi bildirilmişdi.
KTK Qazaxıstan neftinin dünya bazarlarına çıxarılması baxımından mühüm marşrutlardan biridir. Son hücumlar artıq yalnız terminal infrastrukturuna deyil, birbaşa neft tankerlərinə də yönəldiyindən, təhlükəsizlik məsələsi və neft ixracının fasiləsizliyi ilə bağlı narahatlıqlar artır. Reuters-in məlumatına görə, iyul ayında terminalın fəaliyyətində yaranan fasilələr Qazaxıstanda neft hasilatının kəskin azalmasına səbəb olub.
Qazaxıstan Xarici İşlər Nazirliyi iyulun 17 və 19-da KTK infrastrukturu vasitəsilə neft daşıyan mülki gəmilərə dron hücumlarını pisləyib. Astana bu cür hadisələrin beynəlxalq enerji təchizatına və kommersiya daşımalarına mənfi təsir göstərə biləcəyini vurğulayıb.
Xəzər Boru Kəməri Konsorsiumunun (KTK) Novorossiysk yaxınlığındakı dəniz terminalında tankerə dron hücumundan sonra baş verən yanğın söndürülüb.
Məlumata görə, hadisə iyulun 30-na keçən gecə baş verib. KTK terminalının akvatoriyasında neft yükləməyə hazırlaşan iki tanker pilotsuz uçuş aparatlarının hücumuna məruz qalıb. Tankerlərdən biri – NIFFOS SIFNOS – KTK-nın Vahid Nöqtəli Yanalma Qurğusuna (SPM-3) qoşulmuş vəziyyətdə olub. Dron zərbəsindən sonra gəminin göyərtəsində yanğın baş verib. Yanğın gəmi heyəti və KTK-nın köməkçi gəmilərinin iştirakı ilə operativ şəkildə söndürülüb.
İlkin məlumatlara əsasən, tanker üzmə qabiliyyətini saxlayıb. Hadisə nəticəsində xəsarət alanlar barədə məlumat verilməyib. Gəmiyə dəyən zərərin miqyası hazırda qiymətləndirilir. Digər tanker – MARATHI – isə limandan bir neçə dəniz mili aralıda, yükləməyə növbə gözləyərkən hücuma məruz qalıb.
Bu hadisə KTK terminalı ətrafında son həftələrdə baş verən hücumların davamıdır. İyulun 19-da da terminalda neft yükləyən ASIA və NISSOS IOS adlı iki tanker pilotsuz uçuş aparatlarının hücumuna məruz qalmışdı. Həmin insident zamanı ASIA tankerində yanğın baş vermiş, alov söndürülmüş, insan tələfatı və neft sızması qeydə alınmamışdı.
İyulun 20-də KTK növbəti hücum barədə məlumat yaymış və tankerə zərbə nəticəsində yükləmələrin dayandırıldığını açıqlamışdı. Şirkət daha sonra iyulun 27-də terminalda neft yüklənməsinin bərpa edildiyini bildirmişdi.
KTK ilə bağlı problemlər bununla da məhdudlaşmır. 2026-cı ilin yanvarında terminala doğru hərəkət edən bir neçə neft tankerinə dron hücumları qeydə alınmışdı. Qazaxıstan rəsmiləri həmin hücumların ölkənin ixrac neftinin daşınmasına təsir etdiyini bildirmişdilər.
Aprelin əvvəlində isə Novorossiysk yaxınlığındakı KTK dəniz terminalının infrastrukturunun dron hücumundan zərər gördüyü barədə məlumat yayılmışdı. Hücum zamanı yanalma və yükləmə infrastrukturu ilə yanaşı, neft çənlərinin də zədələndiyi bildirilmişdi.
KTK Qazaxıstan neftinin dünya bazarlarına çıxarılması baxımından mühüm marşrutlardan biridir. Son hücumlar artıq yalnız terminal infrastrukturuna deyil, birbaşa neft tankerlərinə də yönəldiyindən, təhlükəsizlik məsələsi və neft ixracının fasiləsizliyi ilə bağlı narahatlıqlar artır. Reuters-in məlumatına görə, iyul ayında terminalın fəaliyyətində yaranan fasilələr Qazaxıstanda neft hasilatının kəskin azalmasına səbəb olub.
Qazaxıstan Xarici İşlər Nazirliyi iyulun 17 və 19-da KTK infrastrukturu vasitəsilə neft daşıyan mülki gəmilərə dron hücumlarını pisləyib. Astana bu cür hadisələrin beynəlxalq enerji təchizatına və kommersiya daşımalarına mənfi təsir göstərə biləcəyini vurğulayıb.
