Rusiya velosiped üzrə Avropa Çempionatında iştirak edəcək heyətini açıqladı

Rusiya Velosiped Federasiyası Avropa Çempionatında trek üzrə çıxış edəcək milli komandanın tərkibini açıqlayıb.
Temp üzrə yarışlarda çıxış edəcək idmançılar: Lev Gonov, İlya Savekin, Yegor İgoşev, Valeriya Valqonen.
Sprint üzrə yarışlarda isə komandada yer alacaq idmançılar: Nikita Kiriltsov, Nikita Kalaçnik, İqor Giriloviç, Yekaterina Yevlanova, Yana Burlakova, Alina Lysenko.
Trek üzrə Avropa Çempionatı 1–5 fevral tarixlərində Türkiyədə keçiriləcək.
Qeyd edək ki, 2022-ci ilin mart ayında Beynəlxalq Olimpiya Komitəsi (BOK) Rusiya və Belarus idmançılarının beynəlxalq yarışlardan kənarlaşdırılmasını tövsiyə etmişdi. 2023-cü ilin dekabrında isə BOK Rusiya idmançılarını Paris-2024 Olimpiadasında neytral statusda iştirak etməyə icazə verməyi tövsiyə etdi. Nəticədə Fransaya 15 rusiyalı atlet yollanıb və onlara Rusiya rəmzlərindən, o cümlədən bayraq və himndən istifadə qadağan edilib.
19 sentyabr 2025-ci ildə BOK-un rəhbəri Kristi Koventri Rusiya idmançılarının Olimpiadaya qatılması ilə bağlı mövcud yanaşmanı qoruyacağını bildirib. Qış Olimpiya Oyunları isə fevral 2026-da İtaliyada keçiriləcək.