84 yaşlı qadın əlil arabasında taekvando üzrə qara kəmər aldı
Malayziyada 84 yaşlı Lim Sek Enq taekvando üzrə qara kəmərə layiq görülüb.
“Qafqazinfo” xəbər verir ki, bu barədə “Mothership” nəşri məlumat yayıb.
Lim Sek Enq 58 yaşından taekvando ilə məşğul olmağa başlayıb. Lakin səhhətində yaranan problemlər səbəbindən 74 yaşında məşqlərini dayandırıb.
2019-cu ildə çanaq sümüyünü ikinci dəfə sındırdıqdan sonra isə qadın əlil arabasından istifadə etməyə başlayıb.
O, rəsmi imtahanlarda iştirak etməsə də, nümayiş etdirdiyi bacarıq komissiya üzvlərini heyran edib. Nəticədə Lim Sek Enqə fəxri sertifikat təqdim olunub və o, taekvando üzrə qara kəmərə layiq görülüb.
