Birləşmiş Ərəb Əmirliklərinin paytaxtı Əbu-Dabidə təlim-məşq toplanışını davam etdirən “Neftçi” son yoxlama oyununda qələbə qazandı.
“Qafqazinfo”nun məlumatına görə, paytaxt klubu BƏƏ toplanışı çərçivəsində Çinin “Çenqdu Ronqçenq” komandası ilə üz-üzə gəlib. Görüş “ağ-qaralar”ın üstünlüyü ilə keçərək 3:1 hesabı ilə yekunlaşıb.
Komandanın qələbəsində Andrey Ştoqrin (9-cu dəqiqə), Bassala Sambu (29-cu dəqiqə) və İqor Ribeyro (53-cü dəqiqə) fərqlənərək rəqib qapısına yol tapıblar.
Qeyd edək ki, “Neftçi” Əbu-Dabidəki əvvəlki yoxlama oyunlarında da uğurlu nəticələr göstərmişdi. Komanda Misirin “Piramids” kollektivinə 1:1 hesablı heç-heçə etmiş, Qazaxıstanın “Kayrat” klubunu isə 3:0 hesabı ilə məğlub etmişdi.
Urbaninfo.az